張敬軒昨日出席活動時透露，將與王菀之（Ivana）合演舞台劇，計劃於六、七月上演，他說：「初時構思古仔講慈禧與太監，我做太監，而Ivana化心形嘴好靚，好適合做慈禧，不過畀公司Ban咗，依家要改橋，內容講辦公室愛情故事，Ivana做OL。」
問到有否親熱戲？軒仔說：「冇咀，古仔係一級，平時成日錫啦……錫塊面，仲聽聞有梁祖堯（著名舞台劇演員），大會怕去唔到飛，所以搵梁祖堯幫票房。」
軒仔還表示大會最初想搞如張學友音樂劇《雪狼湖》般大製作，後來因製作費只有數百萬才打消念頭，問到他的製作公司會否投資？他笑說：「睇定啲先，我嗰啲只係士多仔。」至於會否考慮搵牽涉入貪污案的思潮（陳志雲前助手叢培崑的公司）搞？軒仔即O嘴說：「唔識答，接唔到。」