鄭嘉穎：我冇被安排協助調查，不過呢件令我好震撼。（同陳志雲熟唔熟？）佢係我老闆。（你係樂易玲派喎？）陳生都叫我做金叵羅，我係簽畀公司o架！
林保怡：震驚同可惜！（被壓價？）我好窮要賺錢，唔會收友情價，如果壓價我情願唔做。（廉署請你助查？）唔好搵我，我好唔得閒！
關禮傑：如果真係有錯當然要罰，係好事，可以整頓電視圈。（被壓價？）我係自由身，以前商戶都直接搵我，但依家就要經TVB先搵我經理人再搵我，好奇怪！
張智霖（去年出席的倒數活動由叢培崑公司做搞手）：我唔知，只跟公司安排去做！（收足酬勞？）有！收無綫歌星合約上嘅車馬費價錢。
陳偉霆：Show錢交畀公司處理，其實收唔收都冇所謂，TVB係大平台，都係個機會。
港姐熊穎詩（左）：唔覺無綫形象受損，應該為股東利益着想，公事公辦係正面做法。
港姐劉倩婷（中）：出外親善時唔會尷尬，會繼續做好分內事。
港姐李姿敏（右）：我同陳生唔熟，希望盡快查個水落石出。