對於陳志雲及錢國偉等被廉署拘捕，昨日李珊珊接受電話訪問時說：「我18歲入行已經識得佢兩個，唔信佢哋會做一啲不當行為，希望佢哋可以安然度過，我都有傳短訊畀錢國偉，佢覆番我話感激，我同佢講呢段時間需要傾偈見面，可以搵我，我會支持朋友！（陳志雲呢？）我選港姐嗰陣，陳志雲係外事部主管，大家經常接觸，佢係一個我好尊重嘅前輩。」
至於錢嘉樂則坦言跟陳志雲及錢國偉已共事十多年，作為朋友，當然會不開心，亦希望兩人冇事。問到可有接過叢培崑公司舉行的活動？錢嘉樂說：「有冇都唔知，因為透過無綫去接，無綫唔會同我講係邊間公司製作。」
