對於Louis在無綫的工作全面叫停，有傳因Kay現身其他電視台激嬲無綫，亦有指無綫有心清除陳志雲的愛將，Kay說：「工作好少問對方，男人喺出面頂咗就算，有安慰佢，佢心情有受影響，對佢嚟講都係個幾大嘅打擊，佢主持工作做得好好，出街仲多咗好多男Fans！」Kay坦言老公在無綫的工作有調動，但不清楚實情，至於是否因她而起？Kay說：「佢知唔係，公司之間唔係咁小兒科，歌手唔係咁政治性。」Kay經理人夏森美表示曾因報道向無綫了解：「無綫有答覆過係獨立處理。」至於最近再傳婚變，Kay笑說：「大新聞喎！我自己都唔知！」前日生日的Kay更 透露，Louis與囝囝張瞻特意挑選其至愛卡通熊蛋糕慶祝。

暫與無綫冇合作

不過，Louis的回應卻與Kay大有出入，對於被指臨時被飛出博愛節目，他解釋因忙於籌備新碟，但身為博愛大使而未有出席，會否引起揣測？他說：「依家係敏感期，做咩都敏感，無綫係大機構會有佢哋嘅機制同安排，平常心啦！（再同無綫合作？）冇人唔期望！」他承認暫時與無綫沒有合作，但因有歌星合約在身，暫時不會現身其他電視台，對於剛為主持工作踏出里程碑，卻遇上「意外」，他亦有感前程戲劇化。

一向唔留意酬勞

談到陳志雲涉貪事件，張氏夫婦均表示與對方相熟，陳志雲更是Kay的港大師兄，Kay說：「好震驚，希望呢件事唔會為佢帶嚟太大困擾。」Louis則指陳志雲獲釋後已發短訊慰問，但未獲回覆。此外，日前G.E.M.表示無薪出席去年的《翡翠歌星賀台慶》，夏森美表示Kay有計騷錢，又稱未有與陳志雲助理叢培崑的思潮制作公司合作。不過，Kay曾參與《志雲飯局》舞台版，該節目正是由思潮製作，問到曾否被壓價？夏森美以「OK」來形容酬勞，Louis則表示一向未有留意酬勞。

此外，Louis前晚為張智霖音樂會擔任嘉賓，對方大唱Mr.的《如果我是陳奕迅》，Louis笑說：「你以為我會怕陳奕迅？講咗成年，又唔係真，醫生話我膽生毛，我冇人驚！」