昨日呂慧儀與鍾舒漫任內衣品牌黛安芬活動的剪綵嘉賓。席間呂慧儀再度否認曾跟陳志雲私人助理叢培崑拍拖，亦沒有接過其公司的工作：「識佢嗰陣我已經有男朋友！（同錢國偉及陳志雲熟唔熟？）同錢國偉喺工作時會見到，我都有上過《美女廚房》，同陳生就喺公司活動先會見到！（有冇試過畀人壓價？）個價錢通常都係經理人幫我傾，通常都有合理價，我唔知有冇畀人壓過價！（有冇監製叫你私下接佢啲騷？）冇！都係TVB嘅工作。」
同場的鍾舒漫則表示近兩、三年才懂得挑選內衣：「之前都係媽咪幫我買，仲要全部都係肉色！後嚟去咗外國讀書，有女同學叫我唔好再着先自己買。」
此外，楊愛瑾（Miki）和模特兒Mandy Lieu昨日均以緊身迷你裙出席《白色情人夢＠海港城》活動。對於舊戰友鄧麗欣否認叢培崑是其初戀男友，Miki亦表示不知情：「睇完就算，每個人都有過去！」而Mandy Lieu則強調與舊愛陳柏霖再見亦是朋友，並否認舊愛跟桂綸鎂拍拖。