15/03/2010

播放本新聞相關短片

「封城」人心惶惶鍾嘉欣耍手運路走

無綫爆出貪污醜聞,令電視城內瀰漫一片肅殺氣氛,藝員鍾嘉欣、楊思琦及林峯等昨日為怕講多錯多,離遠看見記者即雞飛狗走!昨日早上十一時半,林峯乘的士返回將軍澳電視城,問到有沒有問候陳志雲?他煞有介事地說:「我冇佢電話!」並以趕時間為由速撇。其後再被傳是否被壓價時?他說:「呢啲我唔講,冇回應!」而鍾嘉欣原本朝閘門出口方向前行,但見到大批記者即轉身掉頭走,連影相都耍手擰頭。

中午過後,不少藝人陸續返電視城開工,早前為《志雲飯局》任嘉賓的惠英紅表示不擔心節目無法出街:「冇所謂,呢啲係公司策略!(有冇試過壓價?)都係正常價。」而陳自瑤則否認接過陳志雲私人助理叢培崑公司的工作,亦未聽過有人被壓價。至於無綫監製何小慧被問到有否協助廉署調查?她即風趣地說:「你哋睇報紙咪知!」