15/03/2010

播放本新聞相關短片

吹口哨扮輕鬆 楊怡思琦廉署助查

無綫業務總經理陳志雲涉貪被捕,無綫即下令「封城」及「封嘴」,面對在門外守候的記者,花旦鍾嘉欣及楊思琦有如見鬼,另一邊廂楊怡則淡定得多,還輕鬆吹口哨。

楊怡昨日下午到奧海城宣傳新劇《鐵馬尋橋》時,大方承認曾協助廉署調查,但內容不便透露,問到有否跟由陳志雲私人助理叢培崑開設的公司合作?她說:「唔清楚,通常工作由經理人負責。(有冇被壓價?)價錢由經理人傾,我乜都唔理!(你係『志雲派』,工作有冇影響?)我係TVB派,Fans就有分黨派。」語畢即指着粉絲說:「嗰啲係楊怡Fans!」問到有否致電陳志雲?她說:「冇!向來冇陳志雲電話,但希望佢會冇事同事件快啲平息!(有冇試過「搭膊頭」免費出席活動?)工作通常由經理人傾,價錢好合理,有冇『搭膊頭』真係唔清楚!」

至於曾避記者的思琦亦坦承有助查:「都係問工作上嘅嘢,好多同事都有份,現階段唔方便講太多!(有冇同叢培崑公司合作過?)唔知,通常由經理人安排!(有冇試過被壓價?)唔方便講,但經理人會為我爭取最好條件!」