由張衞健（Dicky）、許志安、梁漢文及蘇永康組成的BIG FOUR，前晚第2場演唱會請來林海峰（Jan）做嘉賓，而Dicky老婆張茜、方力申及蔡一智夫婦亦有捧場。Jan大爆四子情史，更代他們公開老婆及女友名字，Jan取笑梁漢文說：「梁太最偉大係咁多年都可以忍受老公瘦過佢囉！」至於安仔一直低調處理與女友余德琳的戀情，Jan說：「我唔知佢叫咩名，佢從不公開……」隨即遞咪給安仔：「叫咩名啫？」安仔尷尬笑說：「 我覺得請錯嘉賓，我都話咗會畀佢玩o架啦！」