詹瑞文曾因扮陳志雲而傳被無綫封殺多年，隨着陳志雲被捕，昨日詹瑞文與吳君如為電影《美麗密令》宣傳時，無綫突派出袁嘉敏採訪他，他說：「今日之前無綫都唔採訪我！」但他表示不會趁敏感時期與無綫修好：「等件事過咗先，其實喺新片我扮電視台高層『岑志文』，套戲排呢期上，單新聞都幾幫到，天意！」他重申與陳志雲從沒有交惡，得悉對方涉貪污非常震驚：「陳生好有能力，50歲亦好壯年，電視係夕陽工業，每個人都要諗出路，都有傳佢同王維基傾合作。」
無綫雖派員採訪，但外事部副總監曾醒明揚言沒有解封詹瑞文的意思：「可能位同事較新，我了解過，娛樂新聞台一向唔做詹瑞文，做咗都唔會播，因為佢曾經唔尊重娛樂新聞台，公司係尊重編輯自主，成件事同陳志雲先生完全冇關。」據知當年詹瑞文因指娛樂新聞台不專業而導致被禁。同場的吳君如則祝福陳志雲，談到曾亮相《志雲飯局舞台版》，她指是慈善性質，至於有否被叫做免費騷，她即說：「佢唔敢，我又唔係無綫人！」