14/03/2010

播放本新聞相關短片

農夫想去廉署:幾得意

農 夫:如果廉署搵我哋協助調查,有少少興奮,係人生經歷。(想去廉署?)唔係,但見吓世面,協助調查都幾得意。

胡 楓:唔擔心影響TVB,冇人叫我封嘴,老實講我真係唔相信,以陳志雲呢個位,唔會搞呢啲嘢,佢好友善,佢唔需要唔廉潔呀?咁高職位,希望雨過天青啦!

周秀娜:我上過《美女廚房》,書展後都有同錢國偉見面,佢好好,教我點去面對壓力同負面新聞,佢為人正直又玩得,相信佢冇做過不法嘅事,遲啲會打電話問候佢。

何傲兒:有留意陳志雲嘅新聞,佢係一個好上司,我諗唔方便講咁多,希望佢哋快啲度過。

陳山聰:次次外邊有工作,公司都有份合約影印本畀番我,有晒幫咩製作公司做嘢嘅資料。

王菀之:會打電話畀張敬軒,希望佢唔好因為呢件事受追訪而感到困擾。

苟芸慧:有冇畀人壓過價我唔清楚,因為公司經理人幫我傾,我唔會特別過問。錢國偉係我嗰屆《中華小姐》監製,佢對個個都好,希望佢冇事。(有冇叫你私下去活動?)冇。

周柏豪:廉署搵過我拍宣傳片同劇集。(畀人壓價?)唔知,全部公司處理,連無綫做嘢話有利是,我都未見過,但我諗呢行係有壓價嘅事。