曾拍攝電視劇《當四葉草碰上劍尖時》而與錢國偉傳緋聞的黃婉佩（Race）說：「佢係一個好好嘅監製，以前合作覺得佢好專業，其他嘢唔太清楚，冇意見。」她大方透露雙方間中亦有聯絡：「都擔心佢，希望冇事。（傳短訊問候？）冇，聽到都有少少震驚。」問到對方有否要求2R出席免費騷？Race說：「從來都冇。」而當年被指獲錢國偉欽點做青春劇《盛裝舞步愛作戰》女主角的趙碩之，曾將兩人的夜蒲照放上Blog而鬧緋聞，昨日趙碩之坦言擔心對方：「我入行都係多得佢，係我伯樂。（信唔信佢涉貪污？）總之相信佢為人，佢對我好好。」戴夢夢亦表關心：「當年拍完《四葉草》先有得簽唱片公司，我會Send SMS畀佢。」

同樣曾參演《四》劇系列而與錢國偉傳緋聞的楊秀惠，甫聽到「錢國偉」之名即封嘴：「我唔講啦！」