奇想篇

問：見到曱甴會有乜反應？

鍾：如果喺街見到，我唔會大叫，會等佢自己走開。但如果喺屋企見到，就會用殺蟲水殺死佢，不過我未試過喺屋企見到。

問：信唔信有外星人同飛碟？

鍾：我信，我仲好鍾意添！經常會上網睇有關短片，覺得係好奇妙嘅事。如果外星人唔帶我走，我都想同佢哋做朋友，不過好多外國例子都係外星人會帶走地球人，最好係見到飛碟啦！

感情篇

問：最討厭乜嘢類型嘅男人？

金城武是鍾浠文心目中的理想情人。

「翻版徐子淇」鍾浠文自爆擇偶條件，笑言男生愈Cool愈啱。

鍾：口多、好寸嘅人！我鍾意男人Cool啲，如果唔係就會畀人感覺好口花花同埋隨便。

問：覺得邊個男藝人最適合做男朋友？

鍾：金城武！我覺得佢個人好低調，係一個好鍾意留喺屋企嘅人，我都好鍾意留喺屋企，咁佢就可以成日陪住我啦！而且佢又好靚仔。

個人習慣篇

問：你鍾意着T-back、高腰定低腰嘅內褲？

鍾：低腰啦！因為舒服啲！我鍾意冇乜花紋，同埋簡單嘅內衣褲款式。

問：係咪見到鏡就會撲埋去照？

鍾：絕對係！我連手機保護貼都用鏡面，方便隨時照鏡。

飲食篇

問：有乜古怪嘅飲食習慣？

鍾：我鍾意食辣同埋甜，但我唔鍾意辣中帶甜嘅食物。一啖辣一啖甜都OK，但係唔可以兩種味道混埋一齊。

問：食過乜嘢最古怪嘅食物？

鍾：之前喺上海打邊爐，食過一個怪味鍋，由好多藥材混和，有藥味同辣味。

假設篇

問：如果生命只剩番一個鐘頭，你最想做乜嘢？

鍾：我會叫爹哋媽咪煮餐飯，然後一家人一齊食。因為我由讀書時代起已經係一個人住，好少可以食到媽咪煮嘅嘢，一年只有幾日可以同屋企人食飯。

問：要同好醜樣嘅男對手做感情戲，會點樣培養情緒？

鍾：醜樣唔緊要，只要唔係口花花就得。外在冇所謂，叫佢扮Cool啲啦！