原本甚得無綫愛錫的張繼聰，昨晚原定有份參演《博愛歡樂傳萬家》及出席昨午的拜神儀式，但均告缺席。前日有傳因環球旗下、老婆謝安琪（Kay）的關係而令他被飛，監製林嘉穎臨場解釋指張繼聰一直未有落實演出，直至昨日才接獲通知他要拍廣告而缺席。但據知，無綫其實一早安排張繼聰在節目中孭重任做隊長，前日發通告時仍見張繼聰在名單之上，直至昨晨才臨急發通告知會傳媒有更改，情況實屬罕有。而遊戲節目臨時更換隊長為金剛，對節目運作必有不良影響，再加上藝人拍廣告亦沒理由臨急臨忙才落實，故實在無法令人不懷疑張繼聰是次是因老婆Kay的關係，而慘遭飛出有關節目！

前日的通告顯示張繼聰做隊長，但昨晨通告顯示的隊長已改為金剛！

放大圖片

「感激知遇之恩」

慘被老婆牽連成「苦主」的張繼聰，昨日接受查小欣的電台電話訪問，首次開腔回應被封殺疑雲：「我同Kay係唔同公司，無綫好清楚，公司話冇封殺嘅事，所以我唔會追問無綫高層陳志雲。其實我好感激無綫喺我工作量少嘅時候畀機會，多謝佢哋知遇之恩。（如果真係封殺你呢？）都會繼續做好手頭嘅工作。（Kay唔做亞視嘉賓都因為你？）佢真係病咗！總之我哋係唔同公司，公還公、私還私，唔會過問對方公司嘅決策。」

江若琳出席博愛騷，為慈善身體力行。	泳兒（右）與鍾舒漫不知封殺內情，但撐張繼聰甚有音樂天分。	陳偉霆（右）與洪卓立未有八卦張繼聰的缺席原因。

此外，有份演出《博愛》騷的陳偉霆表示，對張繼聰疑被封殺一事不知情，但會尊重無綫決定，亦不便干涉其他公司的事。鍾舒漫（Sherman）亦自言不清楚張繼聰被飛，只讚對方人品好及很有天分。而Sherman與泳兒是首次參與遊戲節目形式慈善騷，她笑說：「我會唔錫身，我好玩得，好狠o架！」