揚言退出模界的Lisa S.坐言起行，昨日為保時捷中心陳列室開幕及新車發布會擔任大會司儀。身穿黑色Moiselle裙的Lisa表示，今次是第二次擔任司儀，問到對自己的表現有何評價？她笑說：「完美！哈哈！我仲係新人，但好享受呢個工作。有人話我有天分添！（唔再接模特兒工作？）如果幫朋友或者大品牌都會做嘅。（收入減少？）係！但過去十年我好努力咁做Model，都賺咗好多錢。我依家要享受我嘅工作同人生。司儀係新開始，酬勞唔係太重要！（模特兒酬勞多過司儀？）係！我叫做幾有名，可以叫到高價錢，但喺司儀界仲係新人，要由低做起。」

放大圖片	Lisa S.主持發布會後與高層祝酒。

齋講英語

在芸芸司儀當中，Lisa認為李浩林與楊洛婷的技巧很好，她說：「李浩林識三種語言，諗嘢又快，而楊洛婷睇一次稿就記得，好犀利。」不過，談到最欣賞的司儀，Lisa仍首選「嘟姐」鄭裕玲，更以對方為目標！

問到會否學習廣東話及普通話，她說：「好難講到好流利，我只可以做英語司儀，或者去美國做。如果要講中文，我只可以介紹食物。」說罷即以廣東話示範「呢個好味」，十分搞笑。