黃澤鋒與圈外女友陳麗麗昨日假屯門婚姻登記處結婚，沒有穿婚紗禮服，澤鋒更穿上波鞋。儀式期間，澤鋒為太太戴戒指時手震震、並要人提示戴戒指的位置，他向太太說：「左手第四隻嘛！多謝你娶我。」兩人簽字後咀個不停，並定於9月26日才補擺喜酒。
澤鋒透露婚後會積極造人，對於遭舊愛謝小姐數臭，他說：「所有嘢簽完字後都結束，今後只得一個太太叫陳麗麗，其他嘢唔會理，最重要係家庭。」陳麗麗亦力撐老公：「冇嘢呀！之前澄清咗，件事令我哋感情仲好咗，我知嘅係十成。（怕謝小姐踩場？）唔係問題。」對於黃澤鋒被指劈腿，前緋聞女友筱靖強調沒有酸溜溜：「唔係咩搭上，同佢食飯行街，當時佢銀根短缺話要幫手，佢話冇（錢）叫我畀住先，同佢朋友都講唔上！」