樂隊Mr.的紅館演唱會前晚圓滿結束，全場氣氛熱烈，期間有瘋狂男歌迷衝上台狂跳，隨即被工作人員拉回後台，鼓手Tom說：「佢比較熱情，都唔係第一次跳上台，好有經驗o架啦！」師兄陳奕迅（Eason）亦即興上台合唱，他表示不覺得主音Alan似自己：「你有咩似我？我咁靚仔，你條腿又幼，我就24吋大髀！」Eason宣布將於5月初與Mr.到倫敦演出：「披頭四、滾石樂隊之前都喺嗰度演出過。」令全場起哄！成員Dash指無論Eason有否到場，亦一早預備唱他的歌，感謝對方力撐Mr.。
慶功宴上，大會指紅館已有19年未有本地新樂隊演出，Dash說：「希望大家可以畀多啲機會其他樂隊。（開Part 2？）我哋想做多啲歌先，等公司安排啦！」對於組合LMF成員獻唱時豎中指，問到會否擔心教壞小朋友？Tom力撐對方未有做粗口手勢：「佢係講做人要揸緊中指（宗旨）！呢樣嘢重要過一切，如果我哋唔揸緊宗旨都冇Mr.。」主音Alan則說：「年輕人反而要學習添！」
