很多女仔出街都喜歡用大手袋，貪其容量大夠方便，陳柏宇師妹方珈悠（Jaime）亦是「大包包」的愛好者，她說：「除咗銀包、鎖匙同手提電話呢類必需品之外，我仲必定會帶潤手霜、化妝袋、MP3同埋濕紙巾，而且我用啲袋好奇怪，一係就好大個，一係就好細個，大袋就平日開工、出街兩用，細袋就可以去Party。大袋係好方便，可以咩都放晒入去，但係其實唔係咁好，會搞到個袋好重，好似我今次拎呢個袋咁，同樣呢個款我幾乎有齊晒咁多隻色，有時公司啲同事都講笑問我係唔係代言人。」
１潤手霜
「好細個就搽潤手霜，係媽媽教落，女仔畀人睇吓對手就知佢嘅年齡，所以一定要好好保養先得！」
２化妝袋
「相信係藝人必備，因為需要自己補妝，有咩事臨時都可以自己化埋妝，我仲有好多香水辦，好鍾意聞唔同香味，會開心啲！」
３濕紙巾
「陳柏宇成日都笑我鍾意儲濕紙巾，好似個婆婆咁，不過我覺得衞生啲，每次食嘢之前我都會用嚟抹手，都算少少姿整啦！」