巴黎時間前日下午5時半，周倩圯（Samantha）不避嫌與緋聞男友郭慶彬（Ricky），在巴黎Halle Freyssinet欣賞Lanvin 2010秋冬時裝騷。一身Lanvin打扮的Samantha，獲品牌老闆王效蘭以上賓式款待，完騷後王效蘭帶她入後台與設計師Alber Elbaz傾偈，Alber大讚Samantha靚女，Samantha說：「從未去過巴黎睇殿堂級時裝騷，覺得好榮幸，係夢寐以求嘅事，開心緊張到胃痛，我已經預備咗六位數字Shopping。」此行她與Ricky逗留巴黎11天，兩人堅稱只是好友關係，不介意傳緋聞，亦不尷尬。

Amanda S.自爆恨嫁，如男友求婚立即答應。

查理絲花朗亦是巴黎時裝騷的座上客。(美聯社圖片)

Amanda S.落寞睇騷

相反Amanda S.則被冷落一角睇騷，幸好有記者與她傾偈解悶。赴法國學整甜品的她自爆，每天上學6至8小時令她清減不少：「三月就快畢業啦！可以返香港啦！好開心，我好掛住香港！（男友飛過嚟探你？）梗係有，唔係佢就死，佢飛過嚟兩次，一次係一月份我生日，第二次係情人節。」但Amanda透露6月份將再去巴黎一間餅舖當臨時工，男友未曾向她求婚。她坦言恨嫁，即使男友用塑膠戒指向她求婚也會答應。對於樂基兒簽約與黎明隸屬同一經理人公司，Amanda大讚夫妻檔很幸福。