張學友、慧妍雅集成員莫可欣及羽翹等昨日為伸手助人協會義賣曲奇，大受歡迎的學友說：「啱啱拍完新歌MV，喺邊度播就由唱片公司決定。（亞視發生股權爭拗，對宣傳有冇影響？）我有留意新聞，知道搞到要上法庭處理，電視台嘅內部事，我冇發言權。」
雖然宣傳渠道愈來愈少，但學友認為歌手也可自行覓新出路：「會舉行迷你演唱會，或者多啲上電台。（網上宣傳？）我唔識電腦，都要向囡囡請教吓。」
談及有傳Neway收購加州紅，有報道指向來撐加州紅的四大唱片公司旗下歌手，或減少於卡拉OK曝光的機會，學友則認為歌手不會受影響，因為做生意以互惠互利為大前提。
