足球迷陳法拉昨日出席公開活動，與球迷大玩遊戲。再被追問男友家族所經營的Neway卡拉OK收購加州紅一事，法拉一改封嘴態度，大方回應：「咁都係好事，證明佢哋嘅生意做得好。（有人話壟斷喎！）呢方面唔係好清楚，但晚上活動其實好多選擇，可以去睇戲、去酒吧，唔一定卡拉OK啫！」記者追問平日拍拖會做甚麼，她即表示因工作各有各忙，相處時間有限：「多數會去私人會所做Gym，又或者睇戲，會搵其他朋友一齊去，又或者分開入場，總之唔去人多嘅地方。（仲要避忌？）公還公，私還私，我想大家留意我嘅工作！」