賭王何鴻燊留院期間，四房子女花盡心思展孝心，大房和二房子女年紀較成熟，部分通宵留院貼身照顧爸爸。而三房和四房仔女年紀較輕，除了每日按時間表，流水式到醫院探望陪伴爸爸外，在英國讀書的三房大女、21歲的超雲宣布留港創業；而同樣在英國留學的三房次女19歲超蓮，亦特別向學校申請提早完成考試返港；至於四房長女19歲超盈亦由英國轉在港升學，爭取時間陪爸爸。三個何家人氣女兒亦因為留港發展，連戀情亦隨之曝光。

超蓮男友Jeremy（箭嘴示）

超蓮與男友Jeremy談婚論嫁，超雲（左二）亦公開與Andy的戀情。資料圖片

講出口恨飲女婿茶

賭王恨飲女婿茶講到出口，早前出口術，超盈亦順從父意，宣布與攻讀室內設計的男友Greg，在大學畢業後即拉埋天窗。其他女兒醒目「示愛」，就連一向低調的超雲亦突然在生日會上與「皮草少爺」Andy Wong十指緊扣宣布蜜運，不過男友還未被爸爸過目。昨午五時，超雲和超蓮分別抵達何家大宅，身穿迷彩工人褲的超蓮右邊頸項有紅印，逗留約一個小時後離開。而超蓮早已帶型仔男友Jeremy真身見爸爸，昨日Jeremy接受電話訪問時，問他是否爬頭結婚？他即緊張地說：「冇咁快，未有結婚打算，但我哋感情非常穩定。（你哋帶Q版結婚照畀賭王睇，係咪好事近？）純粹貪得意，冇特別意思。」昨日賭王出院，他坦言之前已聽超蓮講過出院，但不清楚行程，但他就自爆已見家長：「其實Uncle未入院前我哋已見過面，知道佢依家精神好，我和超蓮都好開心，但知道佢（超蓮）忙，唔敢打擾，等一切安頓好先至去探望。」但Jeremy旋即即晚與超蓮前去探望未來外父，他在10時42分到達大宅，雖然短短逗留五分鐘，但足見其誠意，相信會加分。

猷啟專程由英返港

晚上八時許，穿着吊帶紫色裙及藍色高腰半截裙的超盈帶了數個氣球抵達，似乎要為賭王爸爸布置房間，開P慶祝出院，她說：「好開心，因為我好錫爹哋，留喺香港讀書都係想多啲時間陪爹哋，佢返咗屋企可以多啲時間陪佢，因為爹哋好需要搵人陪佢傾偈。我準備咗熊Bear Bear、六個氣球同朱古力畀爸爸。（男友Greg呢？）佢唔喺香港，20號返。爸爸出院我梗係開心！」

而英國留學的三房細仔猷啟昨晚亦匆匆返港，落機即到何家大宅探爸爸，大約十時離開，雖然他在車廂裏，但見記者追訪即大方停車回答：「爸爸好好。（剛落飛機？）係，我返嚟兩、三個星期。（賭王剛才喺屋企做乜？）佢做咗少少運動，行咗一陣，情況好好。」問他會否帶女友見爸爸？猷啟笑而不答。

何超雄與猷啟趕往見父親。

何超雄

超雲代男友送問候

何超雲表示父親返家後表現開心：「佢好興奮，非常開心，好多嘢講，可能佢喺醫院悶得太耐，仲食雪糕，媽咪煮咗牛肉飯。（爹哋有冇周圍行？）可能好耐冇返，所以返到見到好開心。（帶男友Andy畀爹哋見？）未有咁快，我有同佢通過電話，佢有叫我問候爹哋。」超雲表示醫生指賭王情況好好：「仲精神咗。」