雖然莊思敏與Deep對婚事矢口否認，並耍太極表示兩、三年後才計劃結婚，但原來早有結婚打算，近日他們到又一城選購婚戒，看來大有機會在2010年拉埋天窗！當日莊思敏與Deep逛商場，經過時裝店亦不為所動，但途經首飾店時卻被閃鑠的鑽石吸引，莊思敏極速步衝入首飾店選購，而廿四孝男友Deep當然緊隨其後。

為準備稍後泰國的蜜月之旅，莊思敏與吳浩康專誠選購情侶篋。	放大圖片	莊思敏（左）細心聆聽店員講解護膚品功效。

精挑細選未扑錘

兩人甫進店內即時主攻孖裝戒指，更愈黐愈埋，細聲講大細笑，似乎在討論婚戒的款式，因婚戒必要精挑細選，故他們未有即時扑錘購買，反而轉戰另一間珠寶店繼續挑選，Deep更識做地叫店員端出價值五位數字的孖裝戒指讓女友細選，氹得莊思敏眉開眼笑，看來Deep的冧女手段很高，但最終都未有揀到心頭好。

其後莊思敏與Deep到旅行用品店選購行李篋，並火速買了情侶篋，他們急不及待即場試用，還拖住大篋在商場四圍行。細心的Deep陪女友選購護膚品，還在護膚品專櫃任女友「魚肉」，期間莊思敏細心為他塗上不同的面霜，喪玩一大輪後便懶理途人目光，甜蜜地翹手離開。據知兩人急急買篋，是為稍後的泰國蜜月度假作準備。問到是否預支蜜月時，莊思敏甜絲絲承認將會旅行：「同屋企人去！買篋之餘仲買咗啲禮物。」