05年出道的賈曉晨（JJ）人緣不俗，在圈中結識了不少好友，大方的她亦不介意分享其私相簿。
幾年前，我第一次喺香港過聖誕，所以好有意義！舊年我都有追《宮心計》，楊怡本身好Nice，但佢都做到麗妃嗰種奸角，做演員可以做到奸角，真係幾好玩！而伍詠薇呢，我成日嗌佢做「伍姐姐」，佢好照顧我o架！
我同張致恒喺電影《伊莎貝拉》度扮演情侶，我仲獻出我嘅銀幕初吻！記得呢場係導演臨時諗嘅，雖然只係輕輕咁錫一錫，但係我都好緊張，不過最後成段戲畀人剪咗！拍完套戲之後，我哋都幾熟，仲成日一齊研究點樣減肥！
喺首映入面，我、陳偉霆、關智斌同麥子豪扮戲入面嘅角色，加上有幾個靚仔陪我，真係好開心！係我主動搵佢哋影相，大會仲安排咗佢哋送玫瑰花畀我，開心死我，不過最後我將啲花畀晒歌迷！
喺年前我嘅生日Party上，陳百祥升（阿叻）、《內衣少女》嘅導演同監製、許志安同曾志偉等好多朋友都有嚟。嗰晚玩到凌晨，玩得好盡興，仲收到好多禮物，叻哥送咗隻好名貴嘅錶畀我，到依家都仲用緊！