虎年發雌威！向來又辣又型的郭少芸，在無綫處境劇《畢打自己人》中的「Tina」一角深入民心，因而成為卓悅旗下的「悅榕莊」美肌代言人，賺取7位數字酬勞，大發新年財！少芸為報答廣告商，一於將「收埋好耐」的「咪咪」公諸同好，在廣告中谷胸上陣，做到「警鐘胸」效果，確實有意外驚喜！她說：「性感尺度恰到好處，希望可以用性感型女嘅效果，吸引到一班女士幫襯！」
少芸的「谷咪」照大獲好評，令她喜上眉梢：「間唔中性感一次咪矜貴囉！呢次直情係『引死佬』，連棺材都打開蓋！（做美肌代言人點解要谷胸？）呢啲係秘密武器，喺必要時用叫做矜貴，係咪都用嗰啲叫做Cheap！我對『傳家之寶』喺櫳底摷番出嚟，唔好話咩『警鐘胸』，呢個形容詞係嗰啲幾多十後先用，我呢個Age（年紀）要走『警鐘胸』路線就冇意思啦！我只係想人哋一睇就眼前一亮啫！」
