梁詠琪在元宵佳節撇下外籍男友出席新片《越光寶盒》宣傳，一名多年來曾多次向GiGi求婚的男Fans現身會場，並在眾多賓客面前公然送上一束99支紅玫瑰花向偶像示愛。名花有主的GiGi處變不驚，只禮貌地收下鮮花，未被對方打動。GiGi表示元宵佳節撇下男友相約一班女性朋友食飯：「我哋成班傾啲女仔嘢，我驚佢會悶親，唔係下下要有男友嘅！」

GiGi（左起）、鄭中基和鄧麗欣，前晚一同出席電影宣傳。

鄭中基在台上餵Fans食湯圓，在旁的GiGi睇到眼定定。

Stephy煮麵食自己

至於同場的鄧麗欣（Stephy）表示元宵佳節獨自度過：「冇人約呀！好彩有嘢做，如果唔係就要喺屋企呆坐，一陣做完嘢我都係返屋企煮麵食。」此外，鄭中基被問到送甚麼禮物給蔡卓妍（阿Sa）時，他說：「呢個話題好悶呀！冇準備禮物，我會送電影飛畀佢囉！（有傳阿Sa叫你做老公？）嗰個唔係我，我冇聽過咁嘅名。（計劃結婚？）冇咁快，衝多幾年先。」他更預祝Twins演唱會成功，屆時會買飛捧場。

對於鍾欣桐（阿嬌）獲內地解禁，GiGi說：「我唔係好清楚，希望佢可以快啲投入番電影圈。」而Stephy則說：「我睇報紙知道呢件事，都戥佢開心。」