過往曾經是Cal-Carries Models旗下的Gaile，婚後有傳獲老公黎明斥資搞模特兒公司，交由她揸Fit，不過百仕活昨日正式宣布Gaile加盟旗下，令傳聞不攻自破，日後Gaile的工作由陳善之安排！Gaile說：「我對Joe（陳善之）好放心，而我同合作多年嘅模特兒公司關係仍然友好，絕對唔會因為轉公司而有任何摩擦！」她今日會出席I.T新店開幕酒會見人。

熊黛林坦言「小美唔識我」，拒絕轉會投靠城城。

黎明與樂基兒向來低調，但婚後愈見大方。 資料圖片

對於Gaile加盟，陳善之表示與黎明無關，認為只是傳媒的想法，他更稱讚二人專業，做事一向公私分明：「我好欣賞Gaile嘅工作態度，今次合作得成，好開心！公司需要唔同嘅藝人，對公司同樣係一件好事！」不過截至昨日，Cal-Carries Models公司網頁上仍然保留Gaile的照片，且寫上「In Town」（即在港的意思）。

城城與Lynn的關係撲朔迷離，令人津津樂道。 資料圖片

身穿短打的Lynn大晒美腿，輕易成為焦點。

另一邊廂，同樣是天王嫂的熊黛林（Lynn），昨日出席Estee Lauder發布會時，被問到Gaile加盟黎明同一公司，她會否跟風轉公司與郭富城（城城）同一屋簷下？她說：「我唔會轉公司，小美唔識我，未見過面！（係咪幾多錢都唔走？）好多嘢係錢買唔到！」她表示與經理人Kim合作多年，視對方為好經理人及家姐：「佢甚至幫我搵屋搬近佢，方便照顧我！」

Lynn城城共度元宵

另外，前日元宵佳節，Lynn默認與城城度過：「食飯囉！（打邊爐？）我好耐冇打！（城城有份？）我好簡單同幾個人食飯，有男有女！（之後去攻『城』？）梗係冇！」已經在港度過4年情人節的她，否認與城城戀情浮面，她只說：「我自己知，開心就得啦！」