李彩華經常被拍到與緋聞男友兼保險界才俊王傲山（Marcus）出雙入對，但依然否認戀情，只稱是「好朋友」。早前有傳Marcus買豪宅送贈，但他否認報道，並表示男女財政獨立。

近年 轉攻內地發展狂拍劇及登台的Rain，密密吸金，出手亦愈見闊綽，雖已有一部逾20萬元的開篷甲蟲車「粉紅老公」，但原來她正考慮換車。

日前Rain在灣仔途經車行，即被車行內的凌志新款火紅色開篷戰車深深吸引，她隨即入內向職員查詢新車資料，還登上靚車試手感，顯得相當興奮！據悉，該車款售價逾50萬元，由於外形「靚仔」，加上顏色搶眼，難怪令Rain心動！

面對火紅色新款開篷車，李彩華即上車試手感。

李彩華細心聆聽車行職員講解新車資料。

離開車行後，Rain轉戰金鐘太古廣場，在名店的男裝部逗留約半小時，細心地睇西裝外套、冷衫、領呔及鞋履等。揀選一輪後，她到女裝部揀鞋，試了多款潮爆高踭鞋，在鏡子前擺甫士左照右照，最後買下價值3,400元的chie mihara高踭鞋。Rain挽着大袋戰利品離開時，有男Fans上前要求合照，她亦爽快答應。

Rain揀男裝服飾，未知是否送給緋聞男友Marcus。

Marcus (資料圖片)

為「好朋友」揀男裝衫

當Rain發現記者亦大方企定任影，問到是否想換車？她說：「遇啱嘅都想換，依家睇緊。（鍾意開篷車？）情有獨鍾，顏色同款式都好靚好型仔！（叫Marcus送？）自己搵到錢，梗係自己買！（你送畀佢？）佢大把錢，唔使我送。」再問她是否為好朋友Marcus買衫，她不避嫌：「朋友啱嘅都會送，我成日買禮物畀朋友。」

火紅LEXUS IS250C

型　　號 ： LEXUS IS250C

引　　擎 ： 2.5公升V6

最大馬力 ： 208ps/6,400rpm

最大扭力 ： 25.7kgm/4,800rpm

安全極速 ： 209km/h

0-100km/h加速：9秒