身穿短裙的羽翹昨日與狄易達、EO2成員Eddie及范萱蔚等出席電台活動，狄易達自爆有女歌迷在網上冒認其女朋友：「個歌迷影咗我保母車張相，就話係我哋嘅專用車，喺飛機上自拍又話同我去台灣，我真係有少少驚咗佢，最後Send Message叫佢刪晒啲相！」至於羽翹自認是典型宅女：「每日會用兩、三個鐘玩Facebook，依家有四千幾個朋友，部分係唔同地方嘅歌迷！」不過，由於早前往上海工作時瘋狂用手機上網玩Facebook，故需繳交千多元電話費，令她十分肉赤。