01/03/2010

播放本新聞相關短片

曹敏莉拆天華祠堂報仇

謝天華、曹敏莉與李綺虹昨日到奧海城宣傳新劇《老公萬歲》，期間天華穿上一條超級鬆身褲，並用褲襠收集兩女掟出的桔仔，遊戲前綺虹笑問天華：「驚唔驚冇後代呀？」天華聞言即回應：「我大把貨！」遊戲時，綺虹與曹敏莉十分落力，用桔仔狠掟天華，事後曹敏莉說：「頭先由頭掟到落腳，我仲問工作人員有冇榴槤掟，可惜冇咋！佢拍劇成日整蠱人，今次報晒仇好滿足。」至於天華亦直認開工時經常整蠱對手搞氣氛：「佢哋掟得好狠咩？佢哋錫我啫！真係錫到燶！」
謝天華用褲襠接桔，十分狼狽。
  • 謝天華用褲襠接桔，十分狼狽。