賭王何鴻燊與三太陳婉珍的千金何超雲前日21歲生日，大前日超雲被本報拍得到皮草商太子爺Andy的家中過二人世界，超雲前晚更拖實Andy出席生日晚宴及派對，大方公開關係。

超雲先到珍寶王國與家人及親友吃晚飯，然後轉場到中環的Tazmania Ballroom舉行派對。約7時40分，身穿連卡佛裙的超雲與Andy乘坐同一座駕到場，問到是否拍拖？超雲說：「係呀！費事你哋再追我。（佢用咩攻勢奪你芳心？）OK啦！（你之前話揀男友要夠6呎高？）佢仲有其他優點，例如對我好。」但她透露未有機會帶Andy見父親，至於生日願望是父親早日出院及蜜運成功。超雲更表示9月會到英國的St. Martins讀書，下月先到當地讀短期課程。期間，超雲和Andy翹手兼十指緊扣任影晒恩愛。

飯後，超雲換上另一套晚裝與Andy出席派對。

Andy輕扶超雲纖腰，十分細心！

扶女友纖腰開P

而超蓮與男友Jeremy拖手出席晚宴和派對。飯後，三太、超雲、Andy、超蓮和Jeremy返抵三太寓所。之後，超雲換上另一套晚裝與Andy拖手到派對會場，男方入場時更輕攬超雲纖腰，直至凌晨二時許，兩人才登上超雲的座駕離開。

三太表示事前不知道超雲會帶同Andy到場：「第一個印象幾好，超雲冇講帶Andy嚟，幾驚喜！（超雲同賭王講拍拖？）佢有講。（賭王戥佢開心？）佢話唔好咁早拍拖，讀書先。」