呂慧儀昨日身穿低胸虎紋Tube Dress亮相「Xbox 360元宵遊戲相睇日」活動，她自言打機天分麻麻，所以新一年要找位男伴訓練：「我唔反對人打機，仲幾支持添！因為我覺得有啲Game都幾有教育意義，只要唔沉迷就得。（接受相睇？）之前真係未試過，估唔到我嘅第一次就咁冇咗！」
今個元宵節，自稱冇情人的呂慧儀表示除了與家人食飯外，可能會與大班朋友猜燈謎度過：「元宵陪屋企人喇！媽咪啱啱探完親返港，我覺得今年冇咩情人節感覺。（同男友一齊過？）以前男友會同屋企人拜年，但我依家冇拍拖。（有冇男仔約？）都有！但想陪屋企人而婉拒咗！」
