在80年代帶旺整個尖沙咀東部的新世界中心重建在即，過去譚詠麟與鍾鎮濤等經常在Bar City登台搵銀，如今一切已成過去，只能成為港人集體回憶。擁有31年歷史的九龍萬麗酒店與周潤發經常光顧的滿福樓（Dynasty）則率先在今日結業，曾在萬麗酒店舉行婚宴的曹永廉也覺得無可厚非：「每樣嘢舊咗都要重新再嚟，我有盒婚禮錄影帶做回憶，但我同新世界都幾有淵源，未入行前喺佢哋嗰間超級市場做嘢，之後影第一張唱片封套亦喺呢度買衫。」
另外，林文龍則喜歡與老婆郭可盈到新世界中心的食肆撐枱腳，他說：「我同老婆都鍾意周圍食，貪嗰度夠清靜，但以做生意角度梗係唔好，所以都唔使太戀舊物，或者重建後會有新景象，會成為香港另一個地標。」