前晚《英皇盛世10周年巨星演唱會》假澳門舉行，英皇歌手傾巢而出，祖兒與基仔分任紅、白兩組隊長，率領Twins、陳偉霆、泳兒、鍾舒漫、鄭希怡、Boy'z、王祖藍等歌手演出，而韓國巨星李準基及成龍則拍短片祝賀。經過一輪鬥唱鬥跳後，最後由祖兒率領的紅組勝出，全場女歌手拍掌歡呼。

期間，紅、白兩組歌手戰況激烈，身為白組隊長的基仔，與祖兒在台上唇槍舌劍，笑爆全場，基仔以爛Gag打擊對手士氣，他說：「今日見到阿Sa（蔡卓妍），發現佢有個雙下巴；我喺後台見到阿嬌（鍾欣桐），佢肥到唔見咗條腰。」基仔還無厘頭說：「原來容祖兒其實有兩個肚臍！」語無倫次的他激到祖兒紮紮跳，指住基仔說：「你入嚟呢間公司資歷最淺，仲講咁多嘢，仲唔叫聲師姐！」祖兒擺出師姐款大發雌威，令台下觀眾捧腹大笑。事後問到會否擔心激嬲同門師姐妹，基仔說：「佢哋一早知！（阿嬌肥咗？）唔係！自己知講笑去到邊個位！」

基仔在台上搞爛Gag，結果激嬲祖兒。

大師姐祖兒（右）率領師弟妹在台上勁歌熱舞，祝賀公司周年紀念。

三個眼袋撐簽唱會

另外，祖兒和王祖藍拖手扮情侶合唱經典金曲，由於高度懸殊，祖兒惟有女扮男從後攬實祖藍，場面爆笑，最後二人都忍不住笑。完成激烈演出的祖兒，凌晨漏夜趕返香港，昨日即帶着三個眼袋出席《Joey Ten》新碟簽名會，對於與祖藍交換男、女角色表演，祖兒暗寸祖藍矮，她說：「如果我喺佢前面，我咪遮住佢！」對於Twins合體演出，祖兒表示大為感動：「無論喺舞台發生乜事，嗰一刻都係屬於佢哋！」

祖兒與祖藍拖手扮情侶合唱，笑爆全場。

漏夜趕返港的祖兒，昨日一臉倦容出席新碟簽唱會。