前晚Angelababy生日前夕，與熊黛林（Lynn）、汪圓圓及何傲兒等出席模特兒公司Style春茗。被問到會否與緋聞男友郭富城過元宵？Lynn說：「我家鄉冇過元宵，但入鄉隨俗，我要學習吓，我會約幾個朋友食飯，唔會一個人咁孤單。」問到城城是否其中一個時，她則笑而不答。她又表示下月將到韓國拍戲，問到有否親熱戲？她說：「冇！（幾時螢幕初吻？）冇導演要求。（留畀城城？）我冇特別留住。」
同場的汪圓圓表示新年與家人到台灣及新加坡旅行，不停狂吃，至於姐夫甄子丹雖然已戴上口罩，但仍被人認出，她說：「我哋去到邊佢都被人包圍，我要做保鏢幫佢擋住。」問到情人節有否艷遇？圓圓表示有位台灣朋友約會她，但遭她拒絕：「呢個節人要同最鍾意嘅人一齊度過，對方唔係我杯茶。」
