多人識自然是非多，好似同音樂才子陶喆一啜成名嘅岑潔儀（Zoey）。最近小小So喺網上見到有張Zoey嘅素顏相，相中嘅佢戴住副「烏蠅鏡」，仲有啲暗瘡印，有人留言喪插佢出位博見報同利用人上位，又話岑潔儀真名係「岑紫儀」。
小小So：有人Post你張素顏相，嗰個係咪你？
Zoey：係我嚟嘅！
小小So：但有人話你原名叫岑紫儀，又話你博見報？
Zoey：呢個人成日留言畀我，我未有新聞前，佢已經不斷留言，又話我搶人男朋友，我覆佢認錯人，我真名係岑潔儀，唔係岑紫儀，我冇利用人上位，但佢仍然留言，我都費事理佢。
小小So：你點面對呢啲新聞？
Zoey：一笑置之，佢真係認錯人。
小小So：但你好勇敢Post張素顏相！
Zoey：哈哈！咁我又唔係走靚女路線，但下次我都唔敢再Post，費事嚇親人。