苦：

美馬混血兒Mandy Lieu（劉碧麗），7年前抱着遊歷心態，隻身從馬來西亞來港發展，近年更涉獵主持工作，成功背後其實付出了不少努力：「大家以為Model淨係識扮靚，但其實唔係，做Model要好Disciplined（自律），要長期Keep住皮膚、身形好狀態，而且我哋要長時間對住Camera，即使眼、腳好攰都要忍耐。另外，如果第二朝要做嘢，前一晚唔可以同Friends玩得太夜，呢啲真係要自律。」

放大圖片	Mandy笑容甜美，是廣告客戶的寵兒。

樂：

隻身來港創一番事業的Mandy，衣食住行都要一腳踢，但她生性愛冒險，很快已適應新生活：「我好鍾意新挑戰。（困難？）真係冇乜，反而大開眼界，香港人做嘢好快、好Efficient（有效率），而且馬來西亞冇咁多高樓大廈，感覺好新鮮！」

得著：

在港多年，Mandy早已將香港當成第二個家：「香港畀我親切感，出Trip會掛住香港嘅屋企多過馬來西亞嘅家。」身兼模特兒及主持兩職，令她經常要周圍飛，正正滿足她想周遊列國的欲望：「我好Adventurous（有冒險精神），鍾意睇新嘢，好開心工作令我有機會去東南亞同歐洲唔同國家見識。」

Profile

姓名：劉碧麗

年齡：24歲

出生地：馬來西亞

來港年份：2003年

現職：模特兒