苦：

在美國出生的MC Jin，08年回流香港，憑一曲《ABC》唱盡美國出生的華人心聲，亦令更多香港樂迷認識饒舌音樂。來港逾2年的他，仍未適應香港的生活節奏，談及當中苦況，他說：「又唔係好苦嘅，但有時思鄉病發，好掛住美國嘅家人。」問到曾否遭歧視，他說：「咁又冇，我冇話鍾唔鍾意畀人叫做ABC，冇乜所謂。」不諳中文的他，現時靠拼音學中文：「我仲未識睇同寫，好彩由細到大，屋企人都講廣東話，加上我喺美國成日煲TVB劇集同港產片，反而有親切感。」

MC Jin將饒舌音樂發揚光大，擴闊香港樂迷的眼界。

MC Jin在娛樂圈找到不少知心友，閒時吹水解悶。

樂：

MC Jin來港發展後，有不少工作機會：「好多嘢仲要慢慢學，呢年半接觸電影、電視同主持，又做過代言人，真係好感激畀機會我嘅人，亦要感謝主！」他慶幸認識了不少圈中好友：「同William（陳偉霆）、Bob（DJ林盛斌）工作上多咗接觸，大家好似口水佬，乜都傾一餐。」問到是否豬籠入水，他笑說：「最初嚟香港係諗住攞經驗，之後工作量多咗，點都賺到啲錢嘅！」

得著：

除專注音樂發展外，MC Jin最近還嘗試拍電影及廣告，早前更與William及Bob主持無綫J2台節目《兄弟幫》，可謂「周身刀、張張利」！他說：「拍廣告同做主持可以令我更入屋，呢樣係好大嘅得着！」

Profile

姓名：歐陽靖

年齡：27歲

出生地：美國佛羅里達州

來港年份：2008年

現職：歌手、主持