苦：

Jessica C.憑「警鐘胸」火速上位，隨意的衣着風格為她帶來不少困擾，但她坦言不習慣收起性感：「傳媒好留意我嘅私生活，注意我平日點着衫，我不嬲鍾意舒服同Free，喺外國會着背心、唔戴Bra咁出街，但喺香港就要保守啲。」她憑高EQ對抗被指「生活豪放」的歪曲報道：「佢哋唔清楚我，亂寫我！不過我EQ幾好，佢哋對我有唔同嘅睇法，That's OK！」對於男友Sergio被指靠她開飯，Jessica極力維護，還苦中作樂說：「佢喺心靈上支持我，我同佢市場唔同，佢主力歐洲發展。我知道報道話佢靠我，有少少唔開心，但男仔會介意多啲，我講笑咁叫佢下次拎我個銀包畀錢。」

Jessica走紅後亦不介意與男友高調拍拖，十分大方。

Jessica與男友Sergio經常分隔異地，小別勝新婚。

樂：

Jessica在港短短大半年已穩袋7位數，再辛苦也值得，但真正令她欣喜若狂的並非金錢：「嗰時仲讀緊書，第一次喺雜誌內頁見到自己，已經勁開心！」縱使有負面報道，她仍享受工作：「好開心睇到Wacoal內衣廣告同Canon廣告，兩個廣告風格好唔同，有性感同清純，等觀眾睇到唔同嘅我。」不過，她不明白自己何以會彈出：「冇諗過廣告商點解揀我，我只係盡力達到佢哋嘅要求，而且我唔怕醜。」無可否認，其「警鐘胸」的確引人注目，她說：「警鐘？佢本來都喺度，我仲搵緊我嘅長處，可能係演戲！」

Jessica在內衣廣告中盡騷「警鐘胸」，一鳴驚人！

放大圖片

得著：

曾在日本等地發展的Jessica，坦言在港大豐收：「學到好多嘢，接觸到跳舞同做慈善騷。」她最想學廣東話，進軍大銀幕：「我一係唔學，一學就要投入，學好咗就可以吸引更多觀眾，又可以拍戲。」要數最大收穫，她笑言一定是男友：「雖然經常分開做嘢，但我哋會視像通話，而且咁先感覺到大家需要對方。男友好明白性感係工作需要，我哋唔會刻意改變對方嘅思想。」不過，她亦明白知識才是人生的最大得着：「我最想回歸校園，不過未知幾時，想30歲前讀關於醫學嘅課程，因為我想同屋企人一樣，讀復康同物理治療。」

Profile

姓名：Jessica Cambensy

年齡：21歲

出生地：芝加哥

來港年份：2004年

現職：模特兒