歌手鄧紫棋（G.E.M.）前晚出席舊曲新詞比賽，G.E.M.直言不想再講緋聞：「公司叫我唔好講咁多，之前傳嗰啲都好Friend，每次見到都會拎出嚟講笑，不過公司就覺得啲玩笑講得太大！（搵個真男友？）我都想！隨緣啦！」她透露今日元宵節將與側田拍新歌MV，問到可有親熱鏡頭？她說：「睇劇情需要，濕吻『樓下』我都OK！（床上戲？）唔得！嗰啲係『樓上』，『樓下』係指拖手同攬，我仲係好細個！」
另外，陳柏宇昨日否認有關緋聞：「我連佢電話都冇，冇私底下約會。（佢話你諗多咗？）都唔知發生乜事，梗係會諗多咗啦！」問到有否發展可能？他不置可否說：「佢又後生、又唱得、又靚。」
