黃曉明與o靚模始祖Angelababy雖然同聲否認緋聞，卻不時隔空傳情，惹人揣測！昨日Baby出席「海港城．美術館」《A-Z朱古力美術展》活動，她表示21歲生日後便可到拉斯維加斯賭場，願望除放假外，更希望在電影界有所作為。問到緋聞男友黃曉明有否與她慶祝？她表示與身邊朋友慶祝：「佢咁遠，所以唔屬於身邊朋友。（有指你喺上海Studio等佢？）我喺上海，但冇見過佢，只係炒作新聞。（覺得佢點？）幾靚仔、做戲又好，我都想同佢合作。（敢唔敢拍親熱戲？）Kiss唔係好大膽，都OK！（想第一次親熱戲奉獻畀邊個？）奉獻畀好劇本，或者Johnny Depp都得。」對於黃曉明曾說個個男友都會鍾意她時，Baby甜笑說：「咁個個女仔都鍾意佢啦！我自己都OK o架！（陳偉霆話冇時間同你慶祝？）佢好忙，大家好少聯絡。（再見不是朋友？）我哋都冇拍拖！」今日21歲生日的她，會與Fans舉行校服派對慶祝。