前晚「城嫂」熊黛林（Lynn）低胸出席癌症基金會慈善餐舞會，同場的李玟（CoCo）及「黎明嫂」樂基兒（Gaile）顯然被Lynn的惹火身材嚇怕，各出奇謀閃避！跟身高178cm的Lynn同穿Just Cavalli低胸裙的CoCo為免貨比貨，披上假皮草遮掩，當記者要求二人合照時，CoCo尷尬地說：「我一直都好想見到佢，因為家姐同我講話佢好鍾意聽我嘅歌，我知道好開心！」可是身高只到Lynn下巴的CoCo被要求脫下皮草合照時，為免輸胸，惟有諗藉口婉拒：「唔好喇！我想Keep Warm！」現場所見，CoCo合照時也擰歪面不敢正視Lynn，場面尷尬！
除CoCo外，Gaile也不肯與Lynn正面交「峰」，當Lynn拍完獨照後，緊隨的Gaile準備影相，記者欲要求兩位「天王嫂」合照時，身穿Chloe長裙的Gaile自知拆彈後平平無奇，見Lynn的心形乳溝來勢「胸胸」，即扮聾耳陳聽不到記者的呼喚，直行直過。問到谷胸上陣的Lynn被指過分性感，她說：「我想緊啲保險啲，所以特登扣最入個扣！（點解唔同Gaile合照？）我見到佢影緊相，咁我又影緊，之後佢又要做訪問，時間夾唔到！」她表示情人節回老家南京度過，問到有否收到郭富城寄來的禮物？她說：「我未收到已經返咗香港！」死撐不失望的她，擺經理人Kim上枱，笑言元宵節可找她相聚，又謂沒有送情人節禮物給城城。
CoCo被問到撞衫一事時，她說：「我唔介意，我買呢條裙時同個Sales講一定會撞裙，因為條裙太靚！」她又透露正準備下月舉行的演唱會，問會否在之後結婚？她說：「今年唔得，下年可能有機會！」而Gaile被問到為何不肯跟Lynn合照？她只淡淡地說：「我聽唔到呀！」她又透露新年期間與老公黎明及朋友到峇里旅行，問有否趁此努力造人？她說：「呢啲唔答！」
甜笑談帶男友返鄉
另外，Lynn昨日出席電影《葉問2》電影及主題曲發布會時，被問到有否被親朋戚友叫她帶男友回鄉過年，她笑得很甜地說：「冇！（叫你帶老公返去？）冇咁快！我同佢哋講自己都唔想咁快結婚住，因為顧家庭顧唔到事業。（攞影后先襯得起影帝？）我冇咁嘅野心，只係想做個有演技演員。（親友有冇追問同城城拍拖？）冇！可能佢哋靜雞雞問媽咪。（媽咪幫你擋晒？）應該係！（有否逗靚靚利是？）未！今年逗咗好多利是好開心！（打咗邊爐未？）哎……我南京有打邊爐。（見到城城未？）諗下先！」