剛再為人父的鍾鎮濤（B哥），日前與女友范姜、愛女鍾懿及剛出世的囡囡Eloise，齊齊搓湯圓慶元宵。范姜邊搓「愛心湯圓」邊說：「自細媽媽就傳授湯圓製法，依家就到我教鍾懿。」活潑可愛的鍾懿卻將粉糰搓成六個「小雪人」，更表示代表他們一家六口，聽得B哥甜到漏。
B哥坦言每逢節日必定會慶祝：「門面嘢一定要做，咁平時就會好好過o架啦！（今年有三個情人喎！）係呀，Eloise又喺新年前出世，淨係收利是都有賺，而且佢腳頭好好！」B哥表示下月將與溫拿到台灣小巨蛋開騷，屆時Eloise亦會隨行：「范姜係台灣人，Eloise會去台灣探婆婆，大女都喺嗰邊讀緊書，淨係溫拿啲親友都已經包咗幾架旅遊巴嚟捧場！」
