與尹佬多年好友的黃興桂昨日亦有出席，指當年尹佬早已認定米雪為終身伴侶，指尹佬與米雪拍拖以來從不起爭執，又讚米雪堅強：「佢係鐵娘子，用英文字形容就係Steel Magnolia（鋼造木蘭花）！上年聖誕最後一次見尹佬，見面兩個鐘內，米雪對佢無微不至。」近日有指米雪曾到新加坡，但剛從當地返港的黃興桂表示全不知情，返港後已與米雪取得聯絡，透過電話對話，感覺她的心情已回復平靜，抱着樂觀態度。至於初定於下月9日舉行的追思會，黃興桂稱若時間配合必返港出席。至於尹佬另一好友黃日華則說：「『出事』後我一直用短訊同米雪聯絡，佢好堅強，換轉係我都未必得。」
米雪痛失至愛茶飯不思，昨日開工仍未見她與同劇演員如張可頤與馬德鐘等到餐廳晚膳。張可頤表示近日與米雪沒有太多對手戲，故未知對方心情是否欠佳：「頭先見米雪都冇乜異樣，今日拍攝都好快，廠景拍埋聽日都完，只係得番外景。」馬德鐘亦未見異樣，他說：「今日同米雪都有對手戲，完全唔覺有事發生，拍攝進度快過平時添！」