球壇名宿尹志強18年前患上鼻咽癌，女友米雪一直陪伴抗癌魔，及至大年初三（16日）因身體機能衰退病逝，終年53歲。米雪為圓尹佬心願，本月20日低調進行喪禮，一班生前好友昨日為尹佬舉行紀念足球賽，郭富城及黃日華等藝人與逾三千球迷出席，在傍晚五時，即球賽中段時默哀兩分鐘，悼念「亞洲第一中鋒」。

現場放有尹佬的照片讓球迷弔唁。

「尹志強紀念隊」隊員如蔡育瑜（後排左二）與陳發枝（前排右二）賽後大合照。

友人駕車擋傳媒

據知，米雪原定昨午三時返將軍澳電視城，為新劇《女人最痛》開工，但遲遲未有現身，外間還揣測她會出席紀念賽，但原來最終仍「甩底」。下午五時十分，米雪突然駕車載同助手離開九龍城寓所，期間兩男一女駕駛另一部私家車攔截傳媒採訪車，經過觀塘繞道時更刻意慢駛，企圖讓米雪座駕直奔電視城，期間衝了一盞黃燈，又越過影子線爬旅遊巴士頭，過程頗為驚險！她在車上刻意避鏡頭兼黑面。整過行車過程僅用九分鐘，與一般行車時間十五至二十分鐘比較，足足快了近一倍！

逾三千名球迷入場睇紀念賽，向一代球壇名宿致敬。

「晨曦明星足球隊」成員如城城（中）等賽前默哀。

抵達電視城閘口前，米雪直駛往停車場，無綫安排六名保安員「護航」。一身素服的米雪全程低頭，又將帽子拉低，由秘道進入錄影廠。由於情況頗混亂，《女》劇監製林志華亦有現身錄影廠，並應要求問米雪可否拍照？經過一輪商議獲米雪首肯，並以一身大肚Look微笑面對傳媒。

米雪為避傳媒飛車返電視城，衝黃燈（紅車）之餘更面露不悅。

放大圖片

獨自休息避人群

問到會否出席尹佬下月9日的追思活動？米雪煞有介事，未有回應便轉身返入廠，行近門口又突然止步，她突然淡然地說：「遲啲會透過無綫通知大家。」直至晚上七時半，同劇藝員張可頤、馬德鐘等陸續往飯堂食飯，但一直未見米雪離開，估計她獨自留在廠內休息，通告則至凌晨三時才收工。

雖然米雪懷着悲傷心情，但據知昨日仍要飾演孕婦扮開心，實在需要很大的能量才能堅持。對於米雪情緒起伏頗大，記者透過電話向其助手表示關心，對方解釋：「佢冇嘢喎！你覺得佢有問題咩？」監製林志華亦解釋米雪並非遲到：「係個廠開遲咗！（米雪情緒唔好？）我估佢係啫！因為自年初三（尹佬離世當日）後佢都冇休息，但米雪嘅戲係交足，情緒嘅嘢就唔清楚。」