江若琳（Elanne）最喜歡與大班忠心Fans聚會，可惜因為工作忙，未能時刻陪伴Fans左右，令她心中有愧。早前她特意抽空與Fans舉行燒烤聚會，Elanne一見闊別多時的大家庭即非常感動：「嗰次燒嘢食，我啱啱返嚟香港，大半年冇見佢哋，但係佢哋仲默默支持我，真係好感動，因為我覺得要佢哋等我半年唔係必然嘅事，咁耐冇見，佢哋個個都大個咗，成熟咗！」在Fans面前Elanne收起平日在幕前的偶像本色，與Fans更加親近：「對住佢哋，我唔會當自己係藝人，我會當佢哋係親人。」

江若琳與Fans舉行BBQ派對，高興得狂舉勝利手勢。	江若琳與Fans一同大合唱，友善親民。	放大圖片

炮製驚喜報答「親人」

為了答謝「親人」的不離不棄，Elanne特別為他們炮製驚喜：「我預約咗兩架旅遊巴接佢哋，而我就坐保母車，但我突然叫其中一架巴士喺路邊停車，之後我跳上車好似導遊咁拎住支咪介紹景點，又唱歌畀佢哋聽，搞到佢哋好驚喜。」而Fans亦十分識做燒好食物孝敬偶像，還貼心地為她設計餐單，氹得Elanne十分開心：「佢哋知我戒咗肉，好細心咁燒咗好多菜同墨魚丸畀我。」其後Elanne還與他們玩遊戲及大合唱，希望把握相聚的每一刻：「嗰時係真正屬於我哋，好Close，唔使好似平時啲活動咁，見一面就趕住走，又唔使為我舉牌同狂嗌。」