過往曾參加渣打馬拉松賽事的Deep和Steven，今年再接再厲，於本月28日參加21公里賽事。兩人昨日在清涼的天氣下練習，Steven由頭包到落腳；反觀Deep不畏寒冷，還身穿背心及短褲練跑！他倆先做壓腿及拉筋等熱身動作，再作簡單的緩步跑。Deep不諱言早前體重超標重達170磅，故決心Keep Fit，終擊退近20磅肥膏：「依家152磅左右，仲可以Keep。（女友到場支持？）唔知佢有冇嘢做，就算嚟都喺終點等。」

Steven（左）及Deep為參加馬拉松賽事，連日冒寒風練跑。

HotCha曾要求參與馬拉松比賽，洪卓立則會為參賽者打氣。

而Steven透露今次喜獲運動品牌adidas贊助運動服、運動鞋及跑步接收器，Deep則說：「個接收器可以計算跑速、距離同Check心跳，對我哋比賽時好有幫助。」Steven表示比賽前一晚，要到澳門出席英皇十周年大騷：「做完之後搭夜船返香港，跟住凌晨四點幾就要到比賽場地，參加完之後，我同Deep要返內地做嘢，簡直挑戰個人極限。」

HotCha自嘲慢過牛

此外，女子組合HotCha、洪卓立和狄易達等，昨日出席馬拉松比賽打氣活動，HotCha曾要求參與馬拉松比賽，Winkie笑說：「之前參加過離島區跑山比賽，但速度慢過隻牛。」Regen笑言平日也會跑步練氣，但擔心玉腿變粗腿。而洪卓立則表示屆時會擔任啦啦隊，為Deep和Steven及一位高層打氣，他希望明年可參加賽事。