港姐周家蔚、陳倩揚與陸詩韻，昨日到銅鑼灣出席環保活動，家蔚被問到情人節如何度過？她說：「嗰日我返屋企食媽咪煮嘅盆菜，又去湯盈盈屋企拜年！（同天明一齊？）佢有嚟我屋企食盆菜。（同未來老爺洪金寶拜年？）嗯……我一日只做一樣嘢。（咁有冇去洪家？）嗯……有去佢屋企拜年。（收封新抱大利是？）乜有呢啲嘢咩？（有幾大封？）未拆唔知。」

遭袁詠儀整蠱

問到有否被催婚時，家蔚未有正面回答，只笑言曾出席一個五、六十人的團拜活動，想到如要派利是會幾「慘情」，當時還遭袁詠儀整蠱，家蔚說：「佢攞住封利是喺我身邊玩咗三次，問使唔使派利是畀我，我仲要逗架！」

而陳倩揚則親自煮西餐冧男友過情人節，笑言無論煮得好不好吃，男友也不敢說不好。陸詩韻則希望可快些找到好男友，又坦言今次搵的是結婚對象，不想再浪費時間。