曾志偉前晚出席《72家租客》團拜時說：「每日Check票房，知道爆滿就Yeah！睇咗《花田囍事2010》，比之前嗰齣進步。（吳君如話《72》廣告如同催眠？）宣傳係有啲過火！」袁詠儀則說：「本來諗住包場睇對手套戲，以前試過約郭富城成班人包場。（熊黛林有去？）吓？邊個林呀？熊黛林我識，模特兒、高大、皮膚好。（派利是畀佢？）新年見好多人，個個都有派。」而抱病的張學友笑說：「以往拍戲票房好少No.1。（明年拍賀歲片？）唔會刻意。」
此外，昨日生日的曾寶儀錄影《亞洲星光大道》時，台前幕後為她慶祝，令她淚灑當場！林曉峰又Call In曾寶儀父親曾志偉隔空祝賀，事後曾寶儀表示會與爸爸食飯；而韓國女子組合4minute出任當晚表演嘉賓。