祖兒為紀念入行十周年的新碟，昨日假尖沙咀海運大廈舉行《Philip Stein X 祖兒 Ten》慈善簽名會，現場擺放多個不同造型的紙牌祖兒供歌迷拍照留念，其中以紅色旗袍的龍頭造型最受歡迎。大會透露祖兒新碟的銷量有望突破雙白金數字，認真可喜可賀！祖兒說：「好耐未試過有咁好銷量，希望大家都滿意呢隻碟，今次搞義賣，善款目標係20萬！」

祖兒前晚與男友人欣賞盧廣仲個唱。

祖兒落力氹扭計的小女孩，愛心爆棚！

最近忙於拍電影的祖兒，前晚抽空欣賞演唱會，身旁更有一名男士相伴，為免大家誤會，她親自開腔解畫：「佢旁邊嗰個先係女朋友，呢啲只係睇騷腳，我可以吸收吓其他歌手嘅經驗，你哋係咪以為我得米呢？梗係冇啦！」當記者一再追問她的感情愛苗有否萌芽？祖兒說：「冇呀！係都只係有個朋友SMS我話昨晚發夢同我拍拖，不過係個噩夢囉！」

拍打戲周身傷

提到電影拍攝工作，飾演山賊的祖兒衣衫單薄力抗寒流，連環拍攝打鬥戲令她周身骨痛兼有不少瘀傷，但自稱銀幕新人的她笑言怕累街坊，休息期間要自我隔離，避免跟好友蔡卓妍、王祖藍做對手戲時，忍不到笑要狂NG！