吳雨霏（Kary）昨日穿上黑色THE DARINGS外套及Alexander Wang褲出席商場開市活動，並主持醒獅點睛及帶領金龍儀式。Kary表示新年後將會放一個長假，打算到紐約探望一班舊朋友，還會到印度影靚相。問到男友會否隨行？她說：「佢唔會Join我哋，因為我係同兩個女仔朋友去！（唔怕危險？）都怕o架！但都好想去印度，因為之前都係去啲大城市，好想去其他地方經歷一下。」問到男友冇份去可會投訴？Kary笑說：「冇！係我自己想去，咁我哋都有去旅行。」Kary表示屆時會跟隨印度習俗，由頭到腳包到密密實實。
